هي عاملة فيها غنوة وكاتبة على ايدها القصيدة هى بردو بنت حلوة مجنونة لكن مش عنيدة عايشة بتحب الحياة مش هاممها فى الدنيا حد ضحكها مالي الشوارع وانبساطها كان بجد عايشة كل يوم بيومه عمرها ما فكرت تفارق حد حتى اللي مشى من حياتها وسابها واقفة لوحدها في قلب الطريق بردو ضحكتلوا بجد هي بنت زى غنوة تحب تسمعها تشوفها تقول ماشوفتش فى نغمها حد فرحانة زعلانة مبتسمة بتحب الحياة مابتعرفش حاجة اسمها انكسار أو اكتئاب و حتى ااه كانت يوم ما تتوجع تغطى على الوجع بضحكها بس يوم ما عرفت إنها راح تفارق الحياه الاه قالتها وقتها من قلبها مكانتش بس حتى صوت مكانش حتى فى ذهنها ان حد في يوم يقولها خلى بالك انتى مش راح تعيشى إلا كام شهر و يوم اللى عندك مش قليل ده بالنسبه لناس كتير وحش ملهوش كبير محدش قدر عليه من اللى قبلك الا ويتعدوا على الصوابع كان شى بالنسبالها حقيقى صادم وفجاه ملامح وشها اتبدلت من ضحكه بتجرى لوش عجوز ماليها العبوس وخدود بتبكى وأول مرة تعرف وقتها يعنى ايه تكشر أو تحس الحزن نازل من العيون لما شافت دموعها بالين الهدوم حست ان الدنيا قاسيه ياما هى اديتها ضحك وردت ليها بالجميل انها تبكيها حزن وتصيبها كمان فى عمرها اللى لسه بيطرح زى زهره فى قلب ارض للأسف الزهرة دبلت و الارض مبقتش ارض ولا هى كمان بقت حتى فى سنها كبرت قوى فى نفسها وعجزت قبل الاوان والخوف كان ماليها مهو باين من رعشة ايديها مسح حروف القصيدة وحتى الغنوه خلاها تغير لحنها ليها حق تعيش بالخوف والحزن يسكن قلبها ما هى بردو مش متعودة بس الامل كان ليه طريق فى قلبها مقدرش يحزن زيها ما هى علمتوا ضحك السنين فقال هحارب و اسمع ضحكها من تانى يسكن فى المكان والقلب قام ينبض بسرعه عرفها انه واقف جنبها قال متخافيش مفيش مستحيل هيكون ما بينا انتى وانا جنبك هنقدر نحمى بعضنا ولمحها واحد فى المكان كان غايب عنها بالسنين جابه القدر يكون معين وينور لها حلم الحياه بصت فى عينه وعرفته وكان السؤال ازاى عرفنى وانا حالى مش هو نفس الحال رد وجاوبها بكل صدق قلبك دليلي في كل حكايه بنا زمان انا كنت بسمع دقته كل ما اجى اقولك سلام وسمع كلامها بشوق وحب وقلبوا بردو ليها دق مش همه حاجه من الحكايه غير انها تكون معاه عرفها بردو من البدايه انه راح يفضل معاها حتى لو قدرها مخلهاش تفضل معاه وقال بشوق يكفى اخر وقت ليا اشوف والمح ضى عينيكى واسمع منك ضحكه حلوه وايديا تلمس ايديكى والحروف ترجع تكتب فى قصيده حلوه على كل ايد وتفضلى كدة احلى غنوه عمرى ما اسمع زيها كده فى حياتى