منار جمال تكتب رسائل روح


مطلوب شخص يظل بجانبى دائما ..ويقوم بأخذ قراراتى الحياتية..


‏الشروط: ذو عقل حكيم ..وفكر سريع.. صاحب بصيرة بعيدة ..ويرى المستقبل القريب والبعيد ..معرفش إزاى بردو.


* * * * *


‏أتمنى إننا نسمع بعض ..نهون ع بعض ..نحضن بعض.. نعرف الناس اللي حوالينا إننا بنحبهم ..نقرب منهم ..نفهمهم..نسامحهم ..نساعده أي حد لو فى إيدنا دا ..الكلمة والابتسامة والنظرة والطبطة بتفرق سواء بالكلام أو من غيره...


* * * * *


‏إحساس عدم الأمان دا من أصعب الاحاسيس اللي ممكن نحسها في حياتنا فالحمدلله على نعمة الامان والاهل والبيت حتى الوطن اللي بيحتوينا وأي حاجة ممكن تحسسنا بالامان.


* * * * *


‏وأنت بتختار الناس القريبة منك اختار الناس الشبهك شبه روحك دماغك تفكيرك غير كدا فاكس.


* * * * *


لما بنكون مبسوطين بنحب كل الناس وشايفين كل الناس جميلة وعايزين نحضنهم ونقولهم قد ايه هما حلويين ولو احتاجوا حاجة ساعتها نديهم عيوننا.


* * * * *


‏بكره اللي بيوعد ومش بيعمل حاجة.. بكره إن حد يعشم حد ويخلى بيه .. متصدقوش حاجة ياجماعة غير نفسكم.